EduArmenia-ն կամավորական ծրագիր է, որը նախաձեռնել են Հայաստանի և Արցախի  մի քանի հայրենասեր մանկավարժներ: Մենք խորապես հավատում ենք, որ առաջադեմ կրթական համակարգը կարևոր նշանակություն ունի մեր երկրների զարգացման համար: Ծրագրի նպատակն է ստեղծել աշխատանքային հարթակ, որտեղ ամբողջ աշխարհից փորձառու հայ մանկավարժները կկարողանան իրենց փորձով և գիտելիքներով կիսվել Հայաստանի և Արցախի մանկավարժների հետ` այդպիսով ունենալով իրենց ներդրումը մեր հայրենիքի զարգացման գործում: Ծրագրի կարգախոսն է. «Օգտագործեք ձեր գիտելիքներն ու փորձը մեր հայրենիքի զարգացման համար»: Ինչպե՞ս մասնակցել Հայաստանի և Արցախի մանկավարժների համար նախատեսված՝ երկօրյա սեմինարների, որոնք տեղի կունենան Երևանում, Հայաստանում՝ 2020 թվականի հունիսի 27-ից 28-ը: Պատրաստեք 30-40 րոպե տևողությամբ սեմինար՝ կիսելու ձեր փորձն ու գիտելիքները մերօրյա կրթական մարտահրավերների և դրա լուծուման ուղիների մասին: Մեր մանկավարժների համար բերեք մեկ կարևոր նշանակալից գործիք (մեթոդ, կառավարման քաղաքականություն կամ ուսուցման հմտություններ և այլն):

Այս ծրագրի կարճաժամկետ նպատակն է հայ մանկավարժների առաջադեմ և արդյունավետ վերապատրաստումը:

Ծրագրի երկարաժամկետ նպատակն է բարենպաստ միջավայր ստեղծել կրթության ոլորտի արդյունավետ բարեփոխումների համար: Մենք հավատում ենք, որ այդպիսով մենք ամուր հիմք կստեղծենք Հայկական երկու հանրապետություններում հայ հասարակության արդյունավետ զարգացման համար:

Ծրագիրը իրականացվում է կամավորության սկզբունքով, ուստի՝ սեմինարավարները և սեմինարին մասնակից ուսուցիչները չեն ստանում ֆինանսական աջակցություն կամ աշխատավարձ: