2017 թ.ին հայ աշակերտուհիներն առաջին անգամ  հնարավորություն ունեցան մասնակցելու աշխարհի խոշորագույն տեխնոլոգիական ձեռներեցության՝ Տեխնովացիա մրցույթին: Ծրագիրը նախատեսում է 12-շաբաթյա ուսուցում եւ բաղկացած է չորս մասից՝ կոդավորում, բիզնես/գործարարություն, մարքեթինգ եւ փիչինգ:Technovation-ի շրջանակում  10-ից 18 տարեկան աղջիկները ձևավորում են  առավելագույնը  հինգ հոգանոց  թիմեր` համայնքային  հիմնահարցերին լուծումներ տվող  բջջային հավելված ստեղծելու  և բիզնես պլան մշակելու համար: 2017 թ.-ին Հայաստանից 44 թիմ է  մասնակցել ծրագրին, որոնցից  22 թիմ հայտ են ներկայացրել տարածաշրջանային եւ 3 թիմ`միջազգային մրցույթներին մասնակցելու համար: 2018 թ.-ին 90 թիմ է  մասնակցել ծրագրին Հայաստանից, որոնցից  49-ը  հայտ է  ներկայացրել տարածաշրջանային եւ 7 թիմ`միջազգային մրցույթներին մասնակցելու համար:
Տեխնովացիա Հայաստան 2017 և 2018 հաղթող թիմերի հաջողության  պատմություններ.
Ավելի քան 3000 թիմեր 105 երկրներից մասնակցեցին 2017 թ.-ին  Տեխնովացիա միջազգային մրցույթին: Արագածոտնի մարզի Կարբի գյուղի հիմնական  դպրոցի «Մեկ քայլ առաջ» թիմը իր հայկական ժեստերի լեզուն հավելվածով դարձավ 12 հաղթող թիմերից մեկը  «Կրթություն» անվանակարգում: Թիմը մեկնեց Սիլիկոնային հովիտ` մասնակցելու Google –ի գլխամասային գրասենյակում կայացած մրցանակաբաշխությանը: Թիմը ստացավ $10,000 `հավելվածը բարելավելու համար, եւ արժանացավ  «Ժողովրդի ընտրություն»  մրցանակին: Մեր մրցույթի կիսաեզրափակիչի  հաղթող  Codice Puellis  թիմը  հաղթող ճանաչվեց Սեւան Ստարտափ Սամիթ 2018 թ. –ին և ստացավ $3,000` 1 Of U հավելվածը բարելավելու համար: Հավելվածը պատրաստված  է աուտիզմով հիվանդ երեխաների հետ դյուրին հաղորդակցման համար: 
Մեր հետագա ծրագրերը. 
«Կանայք  եւ տեղեկատվական հասարակություն» ՀԿ-ն իր հաջողության պատմությունների, ընդլայնվելու կարողության արդյունքում մշակել է  հավակնոտ նպատակային լայնածավալ Տեխնովացիա Հայաստան  2019 ծրագիրը՝  ընդլայնել մասնակիցների թիվը, ընդլայնել  համայնքների  մասնակիցների թիվը  մինչև  2000-ի, ներառյալ աշակերտուհիները, ուսուցիչները, ծնողները և բոլոր շահագրգիռ կողմերը: