Վանաձոր քաղաքը և հարակից համայնքները աչքի են ընկնում իրենց առատ ու փարթամ բուսականությամբ, ինչպես նաև այստեղ հանքային բուժիչ բնական աղբյուրների պակաս չի զգացվում: Սակայն այդ ամենը չի օգտագործվում առողջարանային տուրիզմի զարգացման համար, ինչը պայմանավորված է տեղեկատվության, փորձի պակասով:

Ներկա պահին մարզի կողմից առաջարկված ռազմավարական ծրագրի գլխավոր բաժինը ընդգրկում է տուրիզմի զարգացումը և հարմար առիթ է իրականացնել առողջարանային տուրիզմի զարգացմանն ուղղված աշխատանքներ: Նախատեսվում է կազմակերպել հանդիպում՝ այս ոլորտով հետաքրքրվող անձանց հետ, ներկայացնել վերջիններիս առողջարանային տուրիզմի հեռանկարները և զարգացման տենդենցները: